侠医｜37岁麦皓儿激增18磅“自毁颜值”演基层家庭妈咪
侠医｜37岁麦皓儿激增18磅 “自毁颜值”演基层家庭妈咪
TVB剧《侠医》踏入结局周，剧情高潮迭起。昨晚（22日）播出第16集，凌为民（陈豪饰）因谦仔病情恶化入院，备受千夫所指、影响医馆及脉脉通声誉。但随著凌为民发现谦仔妈咪李太（麦皓儿饰）受家暴，剧情有峰迴路转发展。
原本为了一家人齐齐整整，一直哑忍家暴的李太、因丈夫变本加厉决定讲出真相，还凌为民一个清白，原来谦仔当日是被李生毒打致入院。
演绎李太的是丘梓谦（葱头）的37岁女友麦皓儿，由于角色与麦皓儿社交平台照片，身形及样子均有极大出入，令不少网民大感惊讶！
向来认真对待每个角色的麦皓儿，今次以圆润身形及朴实打扮，演活基层家庭妈咪，昨晚一场受尽委屈的爆喊戏，演得具感染力，完全感受到李太多年来所受的冤屈、对儿子的担心、以及面对凌为民的自责及痛苦。
麦皓儿为角色增肥18磅，她说：“嗰排自己会有啲不修边幅嘅，同埋一知道有呢个角色就去增肥，都增咗成15-18磅左右，原本之前为咗出歌，我瘦番好多，係特登再肥番，我一瘦个样就唔够成熟。”
麦皓儿指为了令角色望落更潦倒、服装间同事刻意“整皱”所有衣服：“妆容上除咗好淡妆或近乎素颜，我仲额外有化黑眼圈，同埋特登有暗疮都唔遮，嗰排我为咗个角色，mask冇敷、爽肤水又唔搽，特登整差啲皮肤。”
谈到不少网民高呼“认佢唔到”，麦皓儿笑言：“好多时候拍咗剧，大家都唔知道嗰个原来係我嚟，我觉得作为一个演员应该係咁。”麦皓儿虽然只有37岁，但已非首次演妈咪角色，她坦言并不介意：“作为一个演员（对角色揣摩及想像）係冇限制嘅，好多人会介意做妈咪，但係我唔介意。因为演员就係要多啲可能性、呢个亦係正正我哋锺意演戏嘅原因。我自己都期待住唔同类型嘅角色，做演员最紧要係演活个角色。”
为了演活角色长期备受经济压力、家暴及儿子患病等多重困扰及心力交瘁感，麦皓儿在眼神演绎上亦花了不少功夫及心思：“一出场我尽量演到个眼神比较恍惚，去表达角色内心嘅沉重同压抑，但直至遇见阿Mo，李太就好似遇到曙光咁，所以个角色中期会搽番啲唇膏，但人觉得佢係有个转变。”
麦皓儿又谓接拍摄期间，碰巧自己有教基层儿童唱歌、亦有机会探访住劏房的家庭，故对角色有更深切的体会及了解：“拍摄嘅地方都係一个实景，剧组亦有刻意整污糟个地方增加真实感、好有心思。”
谈到剧中泪如雨下的喊戏，麦皓儿笑言原本一Take搞掂、可惜却因她喊得太投入、太尽情而要重拍：“个问题係出于太真情流露，搞到有鼻涕飞咗出嚟，唔好睇所以要重拍。”
麦皓儿续指由于太投入、cut机后情绪依然激动，幸好有陈豪帮忙舒缓情绪：“cut咗机（个心）跳得好快，都要用少少时间cool down！好开心有阿Mo喺度，佢会同我轻鬆讲吓笑。”
又指拍摄被家暴镜头时，由于现场环境相对狭窄，所以“有硬食几吓”，但麦皓儿却笑言感Enjoy：“因为又被扯低、又被挞落地，呢啲都一定有痛感，不过投入咗就唔多觉嘅，同事都好好有尽量帮我摄好晒啲pad。”
上一篇：美拉德+黑蓝白，太好看了！
下一篇：《不眠日》比《开端》差在哪？